မြောက်အမေရိက

အမေရိကန် ဒဏ္ဍာရီလာသတ္တဝါအကြောင်း နားလည်မှုလွဲစေတဲ့ပို့စ်တွေ ပျံ့နှံ့

ပုံနှိပ်ဖော်ပြသည့်နေ့စွဲ 08/06/2022 အချိန် 07:26

အမေရိကန်နိုင်ငံ၊ နယူးမက္ကဆီကိုပြည်နယ်မှာ Navajo ဌာနေတိုင်းရင်းသားပုံပြင်တွေထဲက တိရစ္ဆာန်အသွင်အမျိုးမျိုးပြောင်းနိုင်တဲ့ အသွင်ပြောင်းသတ္တဝါ (skinwalker) တစ်ကောင်ကို  ဘူမိဗေဒပညာရှင်တစ်ဦး တွေ့ရှိခဲ့တယ်လို့ဆိုထားတဲ့ ဓာတ်ပုံတွေကို Facebook အပါအဝင် အင်တာနက်လူမှုကွန်ရက်စာမျက်နှာတွေမှာ ဖော်ပြနေကြပါတယ်။ ဓာတ်ပုံတွေထဲမှာ လူပုံသဏ္ဍာန်ရှိတဲ့ နောက်ပြန်တွားသွားတတ်တဲ့ သတ္တဝါတစ်ကောင်ကို မြင်ရပါတယ်။ ဒါပေမဲ့ ဒီအဆိုဟာ မှားယွင်းပါတယ်။ တကယ်တမ်း အဲဒီပုံတွေဟာ ၁၉၈၂ ခုနှစ်က ထွက်ရှိခဲ့တဲ့ အင်္ဂလိပ်သည်းထိပ်ရင်ဖိုရုပ်ရှင် "Xtro" ထဲက ဇာတ်ဝင်ခန်းတွေ ဖြစ်ပါတယ်။ ဒီအချက်အလက်အမှားဟာ ၂၀၁၄ ခုနှစ်လောက်ကတည်းက ပျံ့နှံ့နေတာလည်း ဖြစ်ပါတယ်။