အစာအိမ်ရောဂါကို ပျောက်ကင်းစေနိုင်တယ်ဆိုပြီး တရားမဝင်နနွင်းနို့ကို မှားယွင်းဖော်ပြရောင်းချနေတဲ့ပို့စ် ပျံ့နှံ့
- ဤဆောင်းပါးသည် သက်တမ်းတစ်နှစ်ကျော် ရှိနေပြီဖြစ်သည်။
- ပုံနှိပ်ဖော်ပြသည့်နေ့စွဲ 08 ဒီဇင်ဘာ 2022 အချိန် 06h14
- ဖတ်ရန် ကြာချိန် 1 မိနစ်
- AFP ထိုင်း, AFP ဖိလစ်ပိုင်
AFP © မူပိုင်ခွင့် ၂၀၁၇-၂၀၂၅။ ဤစာမူကို စီးပွားဖြစ် အသုံးပြုမည်ဆိုပါက လစဉ်/နှစ်စဉ်ကြေး ပေးသွင်းရန် လိုအပ်ပါသည်။ ပိုမိုသိရှိရန် ဤနေရာကို နှိပ်ပါ။
“Hera Nano Curcumin Milk” ကို ကြော်ငြာထားတဲ့ဗီဒီယိုကို ၂၀၂၂ ခုနှစ်၊ အောက်တိုဘာလ ၂၁ ရက်နေ့က Facebook ဒီလင့်ခ်မှာ မျှဝေထားပြီး ကြည့်ရှုမှုအကြိမ်ရေ ၄,၂၀၀ ကျော်ရှိနေပါတယ်။
ဒီဗီဒီယိုနဲ့အတူ စာသားအချို့ကိုလည် အောက်မှာတွေ့နိုင်ပါတယ်။
“အစာအိမ် အနာကို အိမ်မှာတင်ပဲ လွယ်ကူထိရောက်စွာ ကုသနိုင်သော လျှို့ဝှက်နည်းလမ်း။ 9 ယောက်မှာ 10 ယောက်က ဒီနည်းလမ်းကို မသိကြသေးပါဘူး။ နာတာရှည် အစာအိမ် အနာများသည် လူနာ၏ ကျန်းမားရေးကို ဆုတ်ယုတ်စေပြီး အစာအိမ်သွေးယိုခြင်း နှင့် ထို ဧရိယာတစ်ဝိုက် အပေါက်နှင့် ဂရင်ဂျီနာဖြစ်ခြင်းကဲ့သို့ အန္တရာယ်ရှိသော နောက်ဆက်တွဲများကို ဖြစ်စေနိုင်ပါသည်။ လူနာ၏ အသက်အန္တရာယ်ကို ထိခိုက်နိုင်သည့်အပြင် ကင်ဆာအကျိတ်ဖြစ်နိုင်ချေ အန္တရာယ်လည်း ရှိပါသည်။အစာအိမ်နှင့် ပတ်သက်သော ရောဂါဝေဒနာသည်များအတွက် ဟီရာ နာနို ကာကူမင်က အကောင်းဆုံး အဖြေတစ်ခုဖြစ်ပါတယ်။
တစ်နေ့လျှင် နွားနို့ 1 ခွက် သောက်သုံးပြီး၊ 6 ရက်ကြာလျှင် သက်သာသွားမည်။ နှစ်ပေါင်းများစွာ ခံစားနေရတဲ့ အစာအိမ်ဝေဒနာများကို လက်ပြနှုတ်ဆက်လိုက်ပါ။"
"အနာ - Reflux(အစာအိမ်အက်ဆစ်များ အပေါ်သို့ လျှံတက်ခြင်း) - သွေးယိုခြင်း - Helicobacter pylori (အစာအိမ်ပိုးဝင်ခြင်း) ဗိုက်နာခြင်း - အစာအိမ်ရောင်ခြင်း - အချဥ်ပေါက်ခြင်း - အစာမကြေခြင်း လည်ချောင်းနာခြင်း - ရင်ဘတ်တင်းကျပ်ခြင်း - အသက်ရှုကြပ်ခြင်း။ ခန္ဓာကိုယ်အတွက် အာဟာရ ဓာတ်များဖြည့်တင်းပေးသည်။ ကင်ဆာ ကာကွယ်သည်” (မူရင်းအတိုင်း)
တူညီတဲ့ပြောဆိုမှုနဲ့ “Hera Nano Curcumin Milk” ကိုကြော်ငြာထားတဲ့ ပို့စ်တွေကို Facebook ဒီလင့်ခ်၊ ဒီလင့်ခ်၊ ဒီလင့်ခ်နဲ့ ဒီလင့်ခ်တွေမှာလည်း တွေ့နိုင်ပါတယ်။
ဒီဗီဒီယိုတွေက မှတ်ချက်တွေကိုကြည့်ရင် Facebook အသုံးပြုသူတွေက ဒီထုတ်ကုန်ကို ဝယ်ယူလိုကြတာကို တွေ့နိုင်ပါတယ်။
“တဗူးလိုချင်တယ်”(မူရင်းအတိုင်း) ဆိုပြီး Facebook အသုံးပြုသူတစ်ယောက်က မှတ်ချက်ပေးထားပြီး “ဘယ်နိုင်ငံ ကထုပ်တာလည်း ဘယ်လောက် လည်း” (မူရင်းအတိုင်း) ဆိုတဲ့ မှတ်ချက်တွေကိုလည်း တွေ့ရပါတယ်။
ဒါပေမဲ့ “Hera Nano Curcumin Milk” ဟာ တရားဝင်ခွင့်ပြုချက်ရရှိထားတဲ့ စားသောက်ကုန်မဟုတ်ဘူးလို့ ဖိလစ်ပိုင် FDA က နိုဝင်ဘာလ ၂၂ ရက်နေ့မှာ AFP ကိုပြောပါတယ်။
တရားမဝင်ပစ္စည်း
ဖိလစ်ပိုင် FDA ပြောရေးဆိုခွင့်ရှိသူတစ်ဦးက ပြည်သူတွေကို “စမ်းသပ်မှုနဲ့ အကဲဖြတ်မှုတွေ မလုပ်ဆောင်ရသေးတဲ့ တရားမဝင်စားသောက်ကုန်တွေကို မသောက်သုံးဖို့ အကြံပြုတယ်”လို့ AFP ကိုပြောပါတယ်။
“FDA အနေနဲ့ ဒီစားသောက်ကုန်ရဲ့ အန္တရာယ်ကင်းမှုနဲ့ အရည်အသွေးကို အာမခံနိုင်မှာမဟုတ်ဘူး” လို့ သူက ဖြည့်စွက်ပြောဆိုခဲ့ပါတယ်။
ဖိလစ်ပိုင် အစာအိမ်ရောဂါဗေဒအသင်းရဲ့ ပြောရေးဆိုခွင့်ရှိသူတစ်ဦးက “ဒီစားသောက်ကုန်ဟာ [အစာအိမ်] ရောဂါတွေကို ကုသပျောက်ကင်းစေနိုင်တဲ့ ဆေးဝါးတွေထဲမှာ မပါဝင်ပါဘူး” လို AFP ကို အောက်တိုဘာလ ၂၀ ရက်နေ့မှာ AFP ကို သီးခြားပြောဆိုခဲ့ပါတယ်။
တရုတ်ပြည်သူ့ဆေးရုံကြီးက အစာအိမ်ရောဂါပါရဂူတစ်ဦးဖြစ်တဲ့ Dr Virgil Lo က “ဒီဖြည့်စွက်စာဟာ ‘သဘာဝ’ ကုထုံး ဆိုပြီး ပြောဆိုထားတာဟာ နားလည်မှုလွဲစေပြီး အစာအိမ်ရောဂါကို မပျောက်ကင်းစေနိုင်ပါဘူး” လို့ နိုဝင်ဘာလ ၂ ရက်နေ့မှာ AFP ကိုပြောပါတယ်။
ဒီဖြည့်စွက်စာမှာပါဝင်တယ်လို့ပြောထားတဲ့ နနွင်းမှာတွေ့ရတဲ့ Curcumin ဒြပ်ပေါင်းဟာ အစာအိမ်ရောဂါတွေကို ပျောက်ကင်းစေနိုင်တယ်ဆိုတဲ့ သက်သေပြနိုင်မှုမရှိသေးဘူးလို့ သူက ဖြည့်စွက်ပြောဆိုခဲ့ပါတယ်။
“အစာအိမ်နဲ့ပတ်သက်တဲ့ပြဿနာကို ရောဂါရှာဖွေစီမံခန့်ခွဲနိုင်ဖို့ လိုအပ်တဲ့လုပ်ဆောင်မှုတွေလုပ်ဆောင်နိုင်ဖို့အတွက် အစာအိမ်ရောဂါပါရဂူနဲ့ တွေ့ဆုံပြသတာဟာ အကောင်းဆုံးပါ” လို့ သူကပြောပါတယ်။
အခြားတရားမဝင်ကုန်ပစ္စည်းတွေကို ကြော်ငြာထားတဲ့ နားလည်မှုလွဲစေတဲ့ပို့စ်တစ်ခုကိုလည်း AFP က ဒီလင့်ခ်မှာ အချက်အလက်စိစစ်ခဲ့ပါသေးတယ်။
AFP အား အချက်အလက်စိစစ်စေလိုသည့်အကြောင်းအရာ သင့်ထံမှာ ရှိပါသလား။
ကျွန်ုပ်တို့ကို ဆက်သွယ်ရန်