တူရကီနဲ့ ဆီးရီးယားငလျင်ဆိုတဲ့ မှားယွင်းပြောဆိုမှုနဲ့ ဂျပန်နိုင်ငံက ဗီဒီယိုဟောင်း အွန်လိုင်းပေါ်ပျံ့နှံ့
- ဤဆောင်းပါးသည် သက်တမ်းတစ်နှစ်ကျော် ရှိနေပြီဖြစ်သည်။
- ပုံနှိပ်ဖော်ပြသည့်နေ့စွဲ 15 ဖေဖော်ဝါရီ 2023 အချိန် 04h07
- ဖတ်ရန် ကြာချိန် 2 မိနစ်
- AFP Bangladesh, AFP ထိုင်း
AFP © မူပိုင်ခွင့် ၂၀၁၇-၂၀၂၅။ ဤစာမူကို စီးပွားဖြစ် အသုံးပြုမည်ဆိုပါက လစဉ်/နှစ်စဉ်ကြေး ပေးသွင်းရန် လိုအပ်ပါသည်။ ပိုမိုသိရှိရန် ဤနေရာကို နှိပ်ပါ။
"“တူရကီငလျှင် ရစ်ခ်ျတာစကေး ၇ ဒသမ ၈ အဆင့်” (မူရင်းအတိုင်း) ဆိုပြီး ၂၀၂၃ ခုနှစ်၊ ဖေဖော်ဝါရီလ ၇ ရက်နေ့မှာ မျှဝေထားတဲ့ ဒီပို့စ်မှာ စာသားပါရှိပါတယ်။ ဒီဗီဒီယိုရဲ့ ကြည့်ရှုမှုအကြိမ်ရေ ၆၆,၀၀၀ ကျော်ရှိနေပါတယ်။
ကားတစ်စီးရဲ့ အတွင်းပိုင်းကနေရိုက်ကူးထားတဲ့ ဒီဗီဒီယိုထဲမှာ အဝေးပြေးကားလမ်းမကြီးတစ်ခု ငလျင်လှုပ်ခတ်မှုကြောင့် ယိမ်းယိုင်လှုပ်ခါနေတာ တွေ့နိုင်ပါတယ်။
ပြင်းအား ၇.၈ မဂ္ဂနီကျုရှိတဲ့ ငလျင်လှုပ်ခတ်မှုကြောင့် တူရကီနိုင်ငံမှာ သေဆုံးသူ ၃၁,၆၄၃ ဦး ရှိခဲ့ပြီး ဆီးရီးယားနိုင်ငံမှာတော့ ၃,၅၈၁ ဦးရှိခဲ့တယ်လို့ ဆေးဝန်ထမ်းတွေနဲ့ အာဏာပိုင်တွေက ဖေဖော်ဝါရီလ ၁၃ ရက်နေ့မှာ ပြောခဲ့ပါတယ်။
အချိန်ကြာလာတာနဲ့အမျှ အသက်ရှင်ကျန်ရစ်သူတွေကို ရှာဖွေဖို့အခွင့်အလမ်းလျော့နည်းလာတဲ့အတွက် သေဆုံးသူအရေအတွက်ဟာ ဒီထက်အဆမတန် ပိုမိုများပြားနိုင်တယ်လို့ ကုလသမဂ္ဂအဖွဲ့က ဆိုထားပါတယ်။
တူညီတဲ့ပြောဆိုမှုနဲ့ ဒီဗီဒီယိုကို Facebook ဒီလင့်ခ်မှာ မျှဝေထားပြီး ဘင်္ဂလားဒေ့ရှ်နဲ့ အိန္ဒိယနိုင်ငံတွေမှာလည်း ပျံ့နှံ့နေတာတွေ့ရပါတယ်။
ဒါပေမဲ့ ဒါဟာ ဂျပန်နိုင်ငံက ဗီဒီယိုဟောင်းတစ်ခုဖြစ်ပါတယ်။
Google မှာ ဓာတ်ပုံရာဇဝင်ရှာကြည့်တဲ့အခါ ဒီဗီဒီယိုကို ၂၀၁၉ ခုနှစ်၊ ဖေဖော်ဝါရီလ ၁၉ ရက်နေ့က YouTube ဒီလင့်ခ်မှာ မျှဝေထားတာတွေ့ရပါတယ်။
ဒီဗီဒီယိုရဲ့ အညွှန်းစာသားမှာ “၃.၁၁ ငလျင် လှုပ်ခတ်ချိန်တွင် Metropolitan Expressway လမ်းကြောင်း ၆ အပိုင်း ၃” ဆိုပြီး ဂျပန်ဘာသာစကားနဲ့ ဖော်ပြထားပါတယ်။
ဗီဒီယိုအောက်ခြေမှာပါတဲ့ စာသားအရ ဒီဗီဒီယိုကို ၂၀၁၁ ခုနှစ်၊ မတ်လ ၁၁ ရက်နေ့က ရိုက်ကူးထားတာကို တွေ့နိုင်ပါတယ်။
အဲဒီနေ့က ဂျပန်နိုင်ငံမှာ ပြင်းအား ၉.၀ မဂ္ဂနီကျုရှိတဲ့ ငလျင်တစ်ခုလှုပ်ခတ်ခဲ့ပြီး ဆူနာမီလှိုင်းရိုက်ခတ်မှုကြောင့် ဂျပန်နိုင်ငံအရှေ့မြောက်ပိုင်းကမ်းရိုးတမ်းတလျှောက်က မြို့ရွာတွေ အများအပြားပျက်စီးမှုရှိခဲ့ပါတယ်။
ရာစုနှစ်တစ်စုအတွင်း လူသေဆုံးမှုအများဆုံးဖြစ်တဲ့ ဒီငလျင်လှုပ်ခတ်မှာ လူ ၁၈,၀၀၀ ကျော် သေဆုံးပျောက်ဆုံးမှုတွေရှိခဲပြီး ကြီးမားတဲ့ ဆူနာမီရိုက်ခတ်မှုတွေဖြစ်ပွားစေခဲ့ပါတယ်။
ဒီငလျင်နောက်ဆက်တွဲဖြစ်တဲ့ Fukushima Daiichi နျူကလီးယားဒြပ်ပေါင်းဖို အရည်ပျော်မှုကြောင့် အနီးနားမှာရှိတဲ့ ဒေသတွေကို ရေဒီယိုဓာတ်သတ္တိ ဓာတ်ရောင်ခြည်တွေ ဖုံးလွှမ်းခဲ့ပြီး အချို့မြို့တွေမှာ နှစ်နဲ့ချီ လူနေထိုင်ဖို့ မသင့်တော်တော့တဲ့အတွက် ထောင်နဲ့ချီတဲ့ ဒေသခံတွေ ပြောင်းရွှေ့ခဲ့ရပါတယ်။
အောက်မှာ နားလည်မှုလွဲစေတဲ့ပို့စ်က ဗီဒီယိုရဲ့ Screenshot (ဘယ်) ကို YouTube ဗီဒီယိုရဲ့ Screenshot (ညာ) နဲ့ နှိုင်းယှဥ်ထားတာကို တွေ့နိုင်ပါတယ်။
ဒီ YouTube ဗီဒီယိုရဲ့ အောက်ခြေမှာ တည်နေရာကိုဩဒိနိတ်တွေကို တွေ့ရပြီး ဒီဗီဒီယိုကို ရိုက်ကူးခဲ့တဲ့ နေရာနဲ့ ကိုက်ညီနေတာတွေ့ရပါတယ်။
ဒီကိုဩဒိနိတ်တွေကို Google Maps မှာရှာကြည့်တဲ့အခါ ဒီဗီဒီယိုမှာတွေ့ရတဲ့ တိုကျိုက အဝေးပြေးလမ်းမနဲ့ တူညီနေတာတွေ့ရပါတယ်။
အောက်မှာ နားလည်မှုလွဲစေတဲ့ ပို့စ်က Screenshot (ဘယ်) ကို Google Street View က ပုံရိုပ်တွေ (ညာ) နဲ့ နှိုင်းယှဥ်ထားတာကို တွေ့နိုင်ပါတယ်။
AFP အား အချက်အလက်စိစစ်စေလိုသည့်အကြောင်းအရာ သင့်ထံမှာ ရှိပါသလား။
ကျွန်ုပ်တို့ကို ဆက်သွယ်ရန်