တောင်အာဖရိကနိုင်ငံကမ်းခြေက ဗီဒီယိုဟောင်းတစ်ခုကို ရုရှားငလျင်ကြီးအဖြစ်မှားယွင်းမျှဝေ
- ပုံနှိပ်ဖော်ပြသည့်နေ့စွဲ 08 ဇူလိုင် 2025 အချိန် 05h58
- ဖတ်ရန် ကြာချိန် 2 မိနစ်
- Harshana SILVA, AFP သီရိလင်္ကာ
- ဘာသာပြန်ခြင်းနှင့် ဆီလျော်အောင်ပြန်လည်ရေးသားခြင်း - AFP Thailand
AFP © မူပိုင်ခွင့် ၂၀၁၇-၂၀၂၅။ ဤစာမူကို စီးပွားဖြစ် အသုံးပြုမည်ဆိုပါက လစဉ်/နှစ်စဉ်ကြေး ပေးသွင်းရန် လိုအပ်ပါသည်။ ပိုမိုသိရှိရန် ဤနေရာကို နှိပ်ပါ။
"ပြင်းအား ၈ ဒသမ ၈ မဂ္ဂနီကျုု ပမာဏရှိတဲ့ အင်အားပြင်းထန် ငလျင်က ရရှားနိုင်ငံအရှေ့ဘက် ကမ်ချက်က ကျွန်းဆွယ် နေရာကို ဒီကနေ့ ရုရှားဒေသစံတော်ချိန် ၁၁ နာရီ ၂၅ မိနစ်မှာ ဗဟိုပြုပြီး လှုပ်ခတ်သွားပါတယ်။" (မူရင်းအတိုင်း) ဆိုပြီး ၂၀၂၅ ခုနှစ်၊ ဇူလိုင်လ ၃၀ ရက်က မျှဝေထားတဲ့ ဒီ Facebook ပိုစ့်မှာ ရေးသားထားပါတယ်။
အဲဒီ ဗီဒီယိုကိုရုရှားနိုင်ငံ Kamchatka ကျွန်းဆွယ် ကမ်းလွန်ပင်လယ်ပြင်မှာ ပြင်းအား ၈ ဒဿမ ၈ မဂ္ဂနီကျုရှိတဲ့ ငလျင်လှုပ်ခတ်ပြီး နာရီပိုင်းအကြာမှာ မျှဝေခဲ့တာဖြစ်ပါတယ်။ (Archived link)
ဒီငလျင်ဟာ ၁၉၅၂ ခုနှစ်နောက်ပိုင်း ဒေသတွင်းလှုပ်ခတ်ခဲ့တဲ့ ငလျင်တွေထဲမှာ အပြင်းထန်ဆုံးဖြစ်တယ်လို့ ဒေသတွင်း ငလျင်စောင့်ကြည့်ရေးဌာနက ပြောကြားခဲ့ပါတယ်။
လေးမီတာ (၁၂ ပေ) အထိမြင့်တက်နိုင်တဲ့ ဆူနာမီရေလှိုင်းခန့်မှန်းချက်ကြောင့် ဂျပန်နိုင်ငံကနေ အမေရိကန်၊ အီကွေဒေါ နိုင်ငံတွေအထိ ပစိဖိတ်ဒေသမှာရှိတဲ့ ဒါဇင်နဲ့ချီတဲ့နိုင်ငံတွေက ကမ်းရိုးတန်းနေဒေသခံတွေကို ဘေးလွတ်ရာရွှေ့ပြောင်းပေးခဲ့ရပါတယ်။
သတိပေးချက်တွေကို နောက်ပိုင်းမှာ ပြန်လည်ရုတ်သိမ်းခဲ့တာကြောင့် ယာယီတိမ်းရှောင်နေသူတွေ အိမ်ပြန်ခွင့်ရခဲ့ပါတယ်။
ဂျပန်နိုင်ငံက အမျိုးသမီးတစ်ဦး ထွက်ပြေးလွတ်မြောက်ဖို့ကြိုးစားရင်း သူမရဲ့ကားဟာ တောင်စောင်းပေါ်ကပြုတ်ကျခဲ့တာကြောင့် အသက်ဆုံးရှုံးခဲ့ရတယ်လို့ ဒေသတွင်းမီဒီယာတွေက ဖော်ပြထားပါတယ်။
ဒီဗီဒီယိုထဲမှာ လှိုင်းလုံးကြီးတွေ ကမ်းခြေကိုရိုက်ခတ်လာတာကြောင့် ထွက်ပြေးလွတ်မြောက်ဖို့ ကြိုးပမ်းနေတဲ့ လူတွေရဲ့ မြင်ကွင်းတွေ ပါရှိပါတယ်။
တူညီတဲ့ မှားယွင်းပြောဆိုမှုတွေဟာ အိန္ဒိယ၊ ပါကစ္စတန် နဲ့ ဖိလစ်ပိုင်နိုင်ငံတွေမှာပါ ပျံ့နှံ့နေပါတယ်။ ဒါပေမဲ့ ဒါဟာ ရုရှားနိုင်ငံကို ရိုက်ခတ်ခဲ့တဲ့ ဆူနာမီလှိုင်းတွေမဟုတ်ပါဘူး။
ဗီဒီယိုက ရုပ်ပုံတွေအသုံးပြုပြီး Google မှာဓာတ်ပုံရာဇဝင်ရှာဖွေကြည့်ရာ ၂၀၁၇ ခုနှစ်၊ မတ်လ ကမျှဝေထားတဲ့ ထပ်တူညီတဲ့ YouTube ဗီဒီယိုတွေကို တွေ့ခဲ့ရပါတယ်။ ကမ်းရိုးတန်းမြို့ ဖြစ်တဲ့ Durban မြို့ရဲ့ ကမ်းခြေတစ်ခုမှာ ရိုက်ကူးထားတယ်လို့လည်း ဗီဒီယိုတွေမှာဖော်ပြထားပါတယ်။ (Archived links here and here)
အဲဒီအချိန်တုန်းက ဒီရေမြင့်တက်ခဲ့တာကြောင့် ကမ်းခြေတွေကို ပိတ်ထားခဲ့ရတယ်လို့ ဒေသတွင်းမီဒီယာတွေဖြစ်တဲ့ eNCA နဲ့ Southlands Sun တို့ကဖော်ပြခဲ့ကြပါတယ်။ (Archived links here and here)
သတင်းဖော်ပြချက်တွေရဲ့ အသေးစိတ်အချက်အလက်တွေကိုသုံးပြီး Google Map ရဲ့ street view ဓာတ်ပုံတွေနဲ့ ဗီဒီယိုထဲက တည်နေရာကို AFP ကအတည်ပြုနိုင်ခဲ့ပါတယ်။ (Archived link)
AFP အား အချက်အလက်စိစစ်စေလိုသည့်အကြောင်းအရာ သင့်ထံမှာ ရှိပါသလား။
ကျွန်ုပ်တို့ကို ဆက်သွယ်ရန်