ဗုံးခိုကျင်းဆီပြေးလွှားနေတယ်ဆိုပြီး လွှတ်တော်မဲခွဲဖို့ အပြေးသွားတဲ့ အစ္စရေးဝန်ကြီးချုပ်ရဲ့ဗီဒီယိုဟောင်း မှားယွင်းပျံ့နှံ့
- ပုံနှိပ်ဖော်ပြသည့်နေ့စွဲ 16 အောက်တိုဘာ 2024 အချိန် 07h43
- ဖတ်ရန် ကြာချိန် 2 မိနစ်
- AFP အရှေ့အလယ်ပိုင်းနှင့် မြောက်အာဖရိက, AFP ထိုင်း
- ဘာသာပြန်ခြင်းနှင့် ဆီလျော်အောင်ပြန်လည်ရေးသားခြင်း - AFP ထိုင်း
AFP © မူပိုင်ခွင့် ၂၀၁၇-၂၀၂၅။ ဤစာမူကို စီးပွားဖြစ် အသုံးပြုမည်ဆိုပါက လစဉ်/နှစ်စဉ်ကြေး ပေးသွင်းရန် လိုအပ်ပါသည်။ ပိုမိုသိရှိရန် ဤနေရာကို နှိပ်ပါ။
လွှတ်တော်အစည်းအဝေးတစ်ခုမှာ မဲပေးဖို့ အပြေးအလွှားသွားနေတဲ့ အစ္စရေးဝန်ကြီးချုပ် ဘင်ဂျမင်နေတန်ယာဟုရဲ့ ဗီဒီယိုကို ၂၀၂၄ ခုနှစ်၊ အောက်တိုဘာ ၁ ရက်က အီရန်ရဲ့ အစ္စရေးကို ဒုံးကျည်နဲ့တိုက်ခိုက်မှုဖြစ်ရပ်ကြား ဝန်ကြီးချုပ်က ဗုံးခိုကျင်းတစ်ခုဆီ ပြေးလွှားတိမ်းရှောင်နေတယ်ဆိုပြီး မှားယွင်းမျှဝေနေကြပါတယ်။ ဒါပေမဲ့ ဒီဗီဒီယိုဟာ လွန်ခဲ့တဲ့ ၃ နှစ်ခန့်က သူ့ရဲ့လူမှုကွန်ရက်စာမျက်နှာမှာ မျှဝေထားတာဖြစ်ပါတယ်။
"နေတန်ယာဟု ဗုံးခိုကျင်းထဲသို့ပြေး" (မူရင်းအတိုင်း) ဆိုပြီး ၂၀၂၄ ခုနှစ်၊ အောက်တိုဘာလ ၂ ရက်က မျှဝေထားတဲ့ ဒီ Facebook ပို့စ်မှာ ရေးသားထားပါတယ်။
ဒီပို့စ်က ၉ စက္ကန့်ကြာတဲ့ ဗီဒီယိုမှာ အဆောက်အဦးတစ်ခုအတွင်းက စင်္ကြန်လမ်းပေါ် ပြေးလွှားနေတဲ့ နေတန်ယာဟုကို တွေ့ရပါတယ်။
အီရန်ကျောထောက်နောက်ခံပေးထားတဲ့ လက်နက်ကိုင်ခေါင်းဆောင်တွေ လုပ်ကြံသတ်ဖြတ်ခံရမှုကို လက်တုံ့ပြန်တဲ့အနေနဲ့ အီရန်နိုင်ငံက အစ္စရေးကို ဒုံးကျည်တွေနဲ့ ပစ်ခတ်တိုက်ခိုက်မှုတွေပြုလုပ်ခဲ့တဲ့နောက် ဒီမှားယွင်းပြောဆိုမှုဟာ အွန်လိုင်းပေါ်ပျံ့နှံ့လာတာဖြစ်ပါတယ်။ (Archived link)
အစ္စရေးရဲ့ လေကြောင်းတိုက်ခိုက်မှုကြောင့် Damascus မှာရှိတဲ့ အီရန်ကောင်စစ်ဝန်ရုံး ထိခိုက်ပျက်စီးခဲ့ပြီး အရာရှိ ၇ ဦး သေဆုံးခဲ့မှုအပေါ် လက်တုံ့ပြန်တဲ့အနေနဲ့ အီရန်က အစ္စရေးနိုင်ငံကို ဒရုန်း၊ ဒုံးကျည် ၃၀၀ ကျော်နဲ့ ဧပြီလက ပစ်ခတ်တိုက်ခိုက်ခဲ့တဲ့နောက် ဒါဟာ အီရန်ရဲ့ အစ္စရေးကို ဒုတိယအကြိမ် တိုက်ရိုက် တိုက်ခိုက်မှုဖြစ်ပါတယ်။ (Archived link)
အဲဒီ ဗီဒီယိုကို မှားယွင်းတဲ့ပြောဆိုမှုတွေနဲ့အတူ မြန်မာဘာသာအပြင် အင်္ဂလိပ်၊ အာရဗီ၊ ပြင်သစ်၊ဂရိနဲ့ ပေါ်တူဂီ စတဲ့ ဘာသာစကားတွေနဲ့လည်း မျှဝေနေကြပါတယ်။
ဒါပေမဲ့ ဗီဒီယိုနဲ့အတူမျှဝေနေတဲ့ အကြောင်းအရာတွေက မှားယွင်းနေပါတယ်။
လွှတ်တော်မဲပေးမှု
မူရင်း ဗီဒီယိုကို နေတန်ယာဟုရဲ့ တရားဝင် X စာမျက်နှာမှာ ၂၀၂၁ ခုနှစ်၊ ဒီဇင်ဘာလ ၁၄ ရက်က အစောဆုံးမျှဝေထားတာကိုတွေ့ရပါတယ်။ (Archived link)
"မင်းတို့အတွက်ပြေးရတာ ငါအမြဲတမ်းဂုဏ်ယူပါတယ်" လို့ ဟီဘရူး ဘာသာစကားနဲ့ ရေးသားထားပါတယ်။
အဲဒီဗီဒီယိုကို ပိုစ့်မတင်မီ နာရီဝက်အလိုက အစ္စရေးလွှတ်တော် (the Knesset) မှာ ရိုက်ကူးထားတာဖြစ်တယ်လို့လည်း ထပ်မံရေးသားထားပါတယ်။
အောက်မှာ မှားယွင်းမျှဝေထားတဲ့ ပို့စ်က ဗီဒီယို (ဘယ်) ကို မူရင်း ဗီဒီယို (ညာ) နဲ့ နှိုင်းယှဥ် ထားတဲ့ screenshot ကိုတွေ့နိုင်ပါတယ်။
၂၅ စက္ကန့်ကြာမြင့်တဲ့ ဗီဒီယိုမှာ နေတန်ယာဟုက အဆောက်အဦးတစ်ခုအတွင်းရှိ စင်္ကြန်လမ်းတစ်ခုကိုဖြတ်ပြီး လှေကားပေါ်တက်သွားတဲ့မြင်ကွင်းကိုတွေ့နိုင်ပါတယ်။
အဲဒီရက်မှာပဲ အစ္စရေး မီဒီယာတစ်ခုက အတိုက်အခံခေါင်းဆောင်ဖြစ်တဲ့ နေတန်ယာဟုဟာ မျက်နှာစုံညီ မဲပေးပွဲကို အလျင်စလိုသွားနေတယ်လို့ ရေးသားခဲ့ပါတယ်။ (Archived link)
ဖမ်းဆီးချုပ်နှောင်ခံရမှုအတွင်း အသတ်ခံလိုက်ရတဲ့ ဓားစာခံများပါထည့်သွင်းထားတဲ့ အစ္စရေးရဲ့ တရားဝင်ထုတ်ပြန်ချက်ကို အခြေခံတဲ့ AFP ရဲ့ ရေတွက်မှုအရ ဟာမက်စ်အဖွဲ့ရဲ့ အောက်တိုဘာ ၇ ရက် တိုက်ခိုက်မှုကြောင့် အရပ်သားအများစု အပါအဝင် လူပေါင်း ၁,၂၀၆ ဦး သေဆုံးခဲ့ပါတယ်။
အဲဒီနေ့က ပြန်ပေးဆွဲခံရသူ ၂၅၁ ဦး အနက် ၉၇ ဦးဟာ ဂါဇာဒေသမှာ ထိန်းသိမ်းခံထားရဆဲဖြစ်ပြီး၊ ၃၄ ဦးကိုတော့ သေဆုံးကြောင်း အစ္စရေးစစ်တပ်က အတည်ပြု ကြေညာထားပါတယ်။
ဟာမက်စ်အဖွဲ့ဦးစီးတဲ့ ဂါဇာဒေသ ကျန်းမာရေးဝန်ကြီးဌာနရဲ့ ကိန်းဂဏန်းတွေအရ အစ္စရေးရဲ့ လက်တုံ့ပြန် စစ်ရေးထိုးစစ်ကြောင့် ဂါဇာဒေသမှာ လူပေါင်း ၄၂,၀၀၀ ကျော် သေဆုံးခဲ့ပြီး အများစုဟာ အရပ်သားတွေဖြစ်တယ်လို့ ဆိုပါတယ်။ ကုလသမဂ္ဂကလည်း ဒီ ကိန်းဂဏန်းတွေဟာ မှန်ကန်မှုရှိကြောင်း ဖော်ပြထားပါတယ်။
နေတန်ယာဟုနဲ့ပတ်သက်တဲ့ သတင်းမှားတွေကို AFP အနေနဲ့ အရင်ကလည်း ဒီလင့်ခ် နဲ့ ဒီလင့်ခ် တွေမှာ အချက်အလက်စိစစ်ခဲ့ပါတယ်။
AFP အား အချက်အလက်စိစစ်စေလိုသည့်အကြောင်းအရာ သင့်ထံမှာ ရှိပါသလား။
ကျွန်ုပ်တို့ကို ဆက်သွယ်ရန်
