တရုတ်ရုပ်သံဇာတ်လမ်းတွဲထဲကဇာတ်ဝင်ခန်းကို မြန်မာမှာဖြစ်တာလို့ဆိုထားတဲ့ ဗီဒီယိုမှားတစ်ခုပျံ့နှံ့

ပုံနှိပ်ဖော်ပြသည့်နေ့စွဲ 16/09/2021 အချိန် 06:12

မြန်မာနိုင်ငံမှာ တပ်မတော်ရဲ့ အာဏာရယူမှုကို ဖီဆန်တဲ့ အရပ်သားလက်နက်ကိုင်တွေ နေရာအနှံ့ ပေါ်ထွက်လာနေချိန် တစ်ဖက်မှာလည်း ကျေးရွာတစ်ရွာကို တပ်မတော်က လေကြောင်းတိုက်ခိုက်တယ်လို့ဆိုထားတဲ့ဗီဒီယိုတစ်ခုကို လူမှုမီဒီယာတွေမှာ မျှဝေနေကြပြီး ကြည့်ရှုတဲ့အကြိမ်ရေ သိန်းနဲ့ချီရှိနေပါတယ်။ ဒါပေမယ့် ဗီဒီယိုနဲ့အတူတွဲတင်ထားတဲ့စာသားပါအချက်အလက်တွေဟာမှားယွင်းနေပြီး အမှန်တော့ ဒီဗီဒီယိုဟာ တရုတ် ရုပ်သံစီးရီးတစ်ခုဖြစ်တဲ့ “Glory of the Special Forces” (အထူးတပ်ဖွဲ့ဝင်တို့၏ဂုဏ်ရည်) မှာပါဝင်တဲ့ ဇာတ်ဝင်ခန်းတစ်ခုသာဖြစ်ပါတယ်။