ဂျပန်လုပ် Smart နာရီရောင်းချမှုကြောင့် မြန်မာဈေးဝယ်စင်တာတစ်ခုမှာ လူတိုးကြိတ်မှုဖြစ်ပွားခဲ့တယ်ဆိုတဲ့ မှားယွင်းပြောဆိုမှုနဲ့ ဓာတ်ပုံဟောင်းတွေပျံ့နှံ့
ပုံနှိပ်ဖော်ပြသည့်နေ့စွဲ 27/03/2023 အချိန် 06:17
ဂျပန်နိုင်ငံလုပ် Smart နာရီ အထူးစျေးနှုန်းနဲ့ရောင်းချမှုကြောင့် မြန်မာဈေးဝယ်စင်တာတစ်ခုမှာ လူတိုးကြိတ်မှုဖြစ်ပွားခဲ့တယ်ဆိုတဲ့ မှားယွင်းပြောဆိုမှုနဲ့ ဓာတ်ပုံဟောင်းနှစ်ပုံကို Facebook ပေါ်မှာ ပြန်လည်မျှဝေနေကြပါတယ်။ လူတိုးကြိတ်မှုကြောင့် ရာနဲ့ချီတဲ့ စျေးဝယ်သူတွေအရေးပေါ်ကုသမှုခံယူခဲ့ရတယ်လို့ ဒီပို့စ်မှာဆိုထားပါတယ်။ ဒါ့အပြင် ဒီလူတန်းကို ရှောင်နိုင်ဖို့အတွက် ဝဘ်ဆိုက်တစ်ခုရဲ့ လင့်ခ်မှာ ဒီပစ္စည်းကို ဝယ်ယူနိုင်တယ်လို့ ဆိုပါတယ်။ ဒါပေမဲ့ ဒီအဆိုဟာမှားယွင်းပါတယ်။ ဒီရက်ပိုင်းအတွင်း မြန်မာရှော့ပင်းစင်တာတစ်ခုမှာ အခုလို လူတိုးကြိတ်စျေးဝယ်မှုတွေဖြစ်ပွားခဲ့တယ်ဆိုတဲ့ ခိုင်လုံတဲ့ သတင်းကို AFP က မတွေ့ခဲ့ပါဘူး။ ဒါ့အပြင် ဒီပို့စ်က ဓာတ်ပုံတွေဟာ ဗီယက်နမ်နိုင်ငံနဲ့ အင်ဒိုနီးရှားနိုင်ငံတို့ကဖြစ်ပြီး ၂၀၂၃ ခုနှစ်မတိုင်ခင်ကတည်းက အွန်လိုင်းမှာ ပျံ့နှံ့နေတာတွေ့ရပါတယ်။