ရေနွေးပူထဲ ငရုတ်မှုန့်ထည့်သောက်ပြီး နှလုံးဖောက်တာကို ကယ်တင်နိုင်တယ်ဆိုတဲ့ ကုထုံးအမှား ပျံ့နှံ့

ပုံနှိပ်ဖော်ပြသည့်နေ့စွဲ 29/11/2022 အချိန် 07:25

ရုတ်တရက်နှလုံးဖောက်တဲ့လက္ခဏာတွေကြုံရတဲ့အခါ ရေနွေးပူပူထဲ ငရုတ်သီးမှုန့်ထည့်သောက်ခြင်းဖြင့် နှလုံးဖောက်တဲ့လူနာကို ကယ်တင်နိုင်တယ်လို့ မှားယွင်းပြောဆိုထားတဲ့ပို့စ်တွေကို Facebook ပေါ်မှာ မျှဝေနေကြပါတယ်။ ဒါပေမဲ့ ရေနွေးနဲ့ငရုတ်မှုန့်အသုံးပြုပြီး နှလုံးဖောက်တဲ့အခြေအနေကို ကာကွယ်ကုသနိုင်တယ်ဆိုတဲ့ သိပ္ပံနည်းကျအထောက်အထား မရှိသလို အဲဒီနည်းလမ်းဟာ နှလုံးရောဂါရှိတဲ့လူနာတွေကို အန္တရာယ်ဖြစ်စေနိုင်တယ်လို့ ကျန်းမာရေးပညာရှင်တွေက သတိပေးကြပါတယ်။